[walaa farouk]

ﻳﺤﻜﻰ ﺍﻥ ﺭﺳﺎﻡ ﻣﻮﻫﻮﺏ ﺟﺪ ’ ﺁ ﺟﺎﺗﻠﻪ ﻓﻜﺮﻩ ﻟﻮﺣﻪ ﺣﻠﻮﻩ ﺍﻭﻯ ﻓﻰ ﺧﻴﺎﻟﻪ
ﻓﺠﻬﺰ ﺍﻟﻔﺮﺷﻪ ﺓﺍﻟﻮﺍﻧﻪ ﻭﺍﺩﻭﺍﺗﻪ ﻭﺍﺳﺘﻌﺪ ﺍﻧﻪ ﻳﻨﻔﺬﻫﺎ ﻓﻀﻞ ﺳﻬﺮﺍﻥ ﻋﻠﻴﻬﺎ
...
ﻟﻴﺎﻟﻰ ﻛﺘﻴﺮ ﻟﺤﺪ ﻣﺎ ﺧﻠﺼﻬﺎ ﺑﺎﺑﺪﺍﻉ ﻭﻛﺎﻥ ﻓﺮﺣﺎﻥ ﺍﻭﻯ ﺍﻭﻯ ﺑﻴﻬﺎ ﺭﺍﺡ ﻣﺴﻜﻬﺎ
ﻗﺪﺍﻣﻪ ﻭﻗﺎﻟﻬﺎ ﺍﻧﺎ ﺑﺤﺒﻚ ﻣﺮﺗﻴﻦ ﻣﺮﻩ ﻟﻤﺎ ﻛﻨﺘﻰ ﻓﻜﺮﻩ ﻓﻰ ﺧﻴﺎﻟﻰ ﻭﻣﺮﻩ ﻟﻤﺎ ﺳﻬﺮﺕ
ﻋﻠﻴﻜﻰ ﺍﻟﻠﻴﺎﻟﻰ
ﻭﻓﻰ ﻣﺮﻩ ﻛﺎﻥ ﺍﻟﺮﺳﺎﻡ ﺑﺮﻩ ﺍﻟﺒﻴﺖ ﻭﻟﻤﺎ ﺭﺟﻊ ﻣﺎ ﻟﻘﺎﺵ ﺍﻟﻠﻮﺣﻪ ﻛﺎﻥ ﺟﻪ ﺣﺮﺍﻣﻰ ﺳﺮﻕ
ﺣﺎﺟﺎﺕ ﻛﺘﻴﺮ ﻣﻦ ﺍﻟﺒﻴﺖ ﻭﻣﻦ ﺿﻤﻨﻬﻢ ﺍﻟﻠﻮﺣﻪ .
ﺣﺰﻥ ﺟﺪﺍ ﺟﺪﺍ ﺍﻟﺮﺳﺎﻡ ﻋﻠﻰ ﺍﻟﻠﻮﺣﻪ ﺑﺘﺎﻋﺘﻪ ﺑﺲ ﺍﻟﺤﺮﺍﻣﻰ ﺍﻟﻠﻰ ﺧﺪ ﺍﻟﻠﻮﺣﻪ ﻣﻜﻨﺶ ﻋﺎﺭﻑ
ﻗﻴﻤﺘﻬﺎ ﺭﺍﺡ ﻳﺒﻴﻌﻬﺎ ﻟﻮﺍﺣﺪ ﺑﺘﺎﻉ ﻟﻮﺣﺎﺕ ﺿﺤﻚ ﻋﻠﻴﻪ ﻭﻗﺎﻟﻪ ﺩﻯ ﻣﺘﺴﺎﻭﻳﺶ ﻏﻴﺮ ﻋﺸﺮﻳﻦ ﺟﻨﻴﻪ
ﻭﻭﺍﻓﻖ ﺍﻟﺤﺮﺍﻣﻰ ﻭﻓﻰ ﻣﺮﻩ ﻛﺎﻥ ﺍﻟﺮﺳﺎﻡ ﻣﻌﺪﻯ ﻟﻘﻰ ﺍﻟﻠﻮﺣﻪ ...
ﺑﺘﺎﻋﺘﻪ ﻋﻨﺪ ﺍﻟﺮﺍﺟﻞ ﺑﺘﺎﻉ ﺍﻟﻠﻮﺣﺎﺕ ﻓﻘﺎﻟﻪ ﺩﻯ ﺍﻟﻠﻮﺣﻪ ﺑﺘﺎﻋﺘﻰ ﺍﻧﺎ ﻋﺎﻳﺰﻫﺎ ﺍﻟﺮﺍﺟﻞ ﻗﺎﻟﻪ ﺩﻯ ﺑﺎﻟﻒ
ﺟﻨﻴﻪ ﺭﺍﺡ ﺍﻟﺮﺳﺎﻡ ﻗﺎﻟﻪ ﺑﺲ ﺩﻯ ﺑﺘﺎﻋﺘﻰ ﺍﻧﺎ ﺍﻟﻠﻰ ﻋﺎﻣﻠﻬﺎ ﻗﺎﻟﻪ ﻋﺎﻳﺰﻫﺎ ﺍﺷﺘﺮﻳﻬﺎ ﺑﺎﻟﻒ ﺟﻨﻴﻪ
ﺩﻩ ﺍﺧﺮ ﻛﻼﻡ ﻋﻨﺪﻯ ..
ﺭﺍﺡ ﺍﻟﺮﺳﺎﻡ ﺑﺎﻉ ﻛﻞ ﺣﺎﺟﺘﻪ ﻭﺭﺟﻊ ﺍﺷﺘﺮﻯ ﺍﻟﻠﻮﺣﻪ ﻭﺭﻭﺡ ﺑﻴﻬﺎ ﺍﻟﺒﻴﺖ ﻭﻛﺎﻥ ﻣﺒﺴﻮﻁ ﺍﻭﻯ ﺍﻭﻯ
ﻭﻣﺴﻜﻬﺎ ﺗﺎﻧﻰ ﻭﻗﺎﻟﻬﺎ ﺑﺤﺒﻚ ﺗﻼﺕ ﻣﺮﺍﺕ ﻣﺮﻩ ﻟﻤﺎ ﻛﻨﺘﻰ ﻓﻜﺮﻩ ﻓﻰ ﺧﻴﺎﻟﻰ ﻭﻣﺮﻩ ﻟﻤﺎ ﺳﻬﺮﺕ
ﻋﻠﻴﻜﻰ ﺍﻟﻠﻴﺎﻟﻰ ﻭﻣﺮﻩ ﻟﻤﺎ ﺩﻓﻌﺖ ﻓﻴﻜﻰ ﻏﺎﻟﻰ ﺑﻌﺪﻫﺎ ﺩﺧﻞ ﻳﻨﺎﻡ ﻣﺎﺟﺎﻟﻮﺵ ﻧﻮﻡ ﻛﺎﻥ ﻟﺴﻪ
ﻣﻀﺎﻳﻖ ﻣﻦ ﺣﺎﺟﻪ ﺍﻥ ﺍﻟﻠﻮﺣﻪ ﺍﺗﺨﺮﺑﺸﺖ ﻭﺍﺗﺒﻬﺪﻟﺖ ﻣﻦ ﺍﻟﺤﺮﺍﻣﻰ ﺭﺍﺡ ﻗﺎﻡ ﻭﺟﻬﺰ ﺍﻟﻔﺮﺷﻪ
ﻭﺍﻟﻮﺍﻧﻪ ﻭﺍﺩﻭﺍﺗﻪ ﺗﺎﻧﻰ ﻭﻓﻀﻞ ﻳﺼﻠﺢ ﻓﻴﻬﺎ ﻟﺤﺪ ﻣﺎ ﺧﻼﻫﺎ ﺍﺣﻠﻰ ﻣﻦ ﺍﻻﻭﻝ ﻭﻣﺴﻜﻬﺎ ﺗﺎﻧﻰ ﻭﻗﺎﻟﻬﺎ
ﺑﺤﺒﻚ ﺍﺭﺑﻊ ﻣﺮﺍﺕ ﻣﺮﻩ ﻟﻤﺎ ﻛﻨﺘﻰ ﻓﻜﺮﻩ ﻓﻰ ﺧﻴﺎﻟﻰ ﻭﻣﺮﻩ ﻟﻤﺎ ﺳﻬﺮﺕ ﻋﻠﻴﻜﻰ ﻟﻴﺎﻟﻰ ﻭﻣﺮﻩ ﻟﻤﺎ
ﺩﻓﻌﺖ ﻓﻴﻜﻰ ﺗﻤﻦ ﻏﺎﻟﻰ ﻭﻣﺮﻩ ﻟﻤﺎ ﺭﺟﻌﺘﻚ ﻟﻠﻰ ﻛﺎﻥ ﻓﻰ ﺑﺎﻟﻰ ...
ﺑﺎﻟﻈﺒﻂ ﺩﻩ ﺍﻟﻠﻰ ﺭﺑﻨﺎ ﻋﻤﻠﻪ ﻣﻌﺎﻧﺎ ﺧﻠﻘﻨﺎ ﻋﻠﻰ ﺍﺣﺴﻦ ﺻﻮﺭﻩ ﻋﻠﻰ ﺻﻮﺭﺗﻪ ﻭﻣﺜﺎﻟﻪ ﻭﻟﻤﺎ ﺿﻌﻨﺎ
ﻣﻨﻪ ﺩﻓﻊ ﻓﻴﻨﺎ ﺍﻏﻠﻰ ﺗﻤﻦ ﺩﻣﻪ ﺍﻟﻐﺎﻟﻰ ﻋﻠﻰ ﺍﻟﺼﻠﻴﺐ ﻭﻣﺤﺒﺘﻪ ﻟﻴﻨﺎ ﻣﻨﺘﻬﺘﺶ ﻋﻨﺪ ﺍﻟﺼﻠﻴﺐ ﻟﻜﻦ
ﻛﻞ ﻣﺮﻩ ﻧﺨﻄﺊ ﺑﻴﺴﺎﻣﺤﻨﺎ ﻭﻳﺠﺪﺩﻧﺎ