[nasser]

عيد ميلاد خادمة عظيمة

المنتدى بيحتفل بعيد ميلاد أختنا الغالية ماجى
ماجى مهما كتبت وهاكتب وهاقول هاكون مقصر فى حقها كتير.
ماجى الخادمة المثالية..الشخصية الواحدة اللى بتتعامل بيها ومش بتغيّرها علشان عندها مبادىء بتتعامل بيها..ماجى الخادمة المثقفة..مش بتتعالى على حد معندهاش حاجة اسمها خادم جديد ولا خادم قديم بتتعامل مع الكل بروح واحدة وبرقى وباحترام ومش معنى انى كبرت أو قدمت فى حاجة اتعال على الناس وهناك مقولة خالدة لعميد الأدب العربى د/طه حسين حيث قال العميد:ويل لطالب العِلْم إذا رضى عن نفسه...بنتعلم منها حاجات كتير حتى فى ردودها"ردودها الراقية"
خادمة عارفة دورها كويس وبتشجع الناس كلها ومحبوبة جداً..بتأدى خدمتها بأمانة حتى وهى مشرفة على بعض الأقسام كانت بتخدم بأمانة ومحافظة على الوزنة وبتشجع الأعضاء اللى بينزلوا مواضيع وبتخليهم يحبوا المنتدى والأعضاء كلهم بيحسوا انها بتهتم بيهم وهى دى الخدمة الفعّالة..مُنظمة فى مواضيعها وكل حاجة عندها بترتيب..بتتخذ القرار وهى عارفة انه مش هيزعل حد ومش هايكون ليه انعكاسات سلبية على حد..بتفكر كويس قبل ما تكلّم علشان تتأكد ان كل حاجة هاتكون كويسة.
على المنتدى أن يفخر انه من ضمن أعضائه هذه الخادمة المثالية.
وبهذه المناسبة أقولك يا ماجى:

كل سنة وانت طيبة
عيد ميلاد سعيد
واهدى لك بالنيابة عن ادارة المنتدى
الهدية اللى فوق
وكمان الشيكولاتة
تاكليها على العيد
وكل سنة وانت طيبة