[حنان بنت المسيح]

جلـــــــــــــــــــــسة الاعتـــــــــــــــــراف الـــــــــــــــــرابعة والاخيرة



المعترف :يا قدس ابونا الكتاب بيقول المولود من الله لا يخطئ وانا بأخطئ ابقي كده انا مش مولود من الله؟؟؟؟ (1 يو 3 :7 _11 )
فقلت له :لما الكتاب يقول ان المولود من الله لا يخطئ (بالفعل المضارع )اي يحيا في الخطية لان كل انسان مولود من الله هو تائب فهو لا يحيا في الخطية حتي وان كان يسقط في خطيته من ضعفه لكنه لا يحيا فيها وهي دي حالتك علشان كده قلت لك ماتقولش انا عايش في الخطية (رو 6 :2)
انت تائب ومولود من الله وليك كل بركات التوبة من تبني وميراث كما يقول الكتاب "ان كنا ابناء فنحن ايضا ورثة ووارثون مع المسيح " (رو 8 :17 )
يعني احنا بنعمة ربنا لينا معاه مكان في السماءطول ما احنا عايشين حياة التوبة
فقال لي المعترف :يااااااااااااه يا ابونا "رديت فيّ روحي انت بتشجعني بكلامك ده"
فقل له :يا ابني ده مش كلامي اللي بيشجع ده كلام ربنا اللي بيشجع لانه بيحبك وعايزك ده انت حته منه (لحم من لحمه وعظمه من عظامه )
تفتكر مين اغلي عند المسيح دمه ام انت ؟
فقال لي :طبعا دم المسيح اغلي بكتير جدا جدا
فقلت له :رغم ان دم المسيح غالي الا انك عند المسيح انت اغلي من دمه لانه رضي يدفع دمه تمن علشان يشتريك
لو رحت تشتري جاكت وانت شايف ان ممكن تدفع فيه 100 جنيه قام البياع قالك ده ب 300 جنيه انت مش هاترضي تشتريه هاتقول لا ده غالي وهو ميستهلش التمن ده
طيب لو البياع قالك ب 200 جنيه بردو هاتقول غالي وميستهلش
لكن لو البياع قالك ب100 هاتقول ماشي الجاكيت يستاهل ,ادفع ال100 واخد الجاكت
وده اللي عمله المسيح دفع دمه واشتراك يبقي انت اغلي عند المسيح من دمه .....شفت انت غالــــــــــــــــــــــــــــي عنده قد ايه ؟!!!!!!!!!!!!!
فقال لي :طيب يا ابونا انا لما بقع في خطية بحرم نفسي من التناول باقول انا ماستهلش
فقلت له : انت يا ابني فاهم غلط ده بالعكس احنا بنتناول مش مكافئة علشان احنا كويسين , ده احنا بنتناول علاج لاننا وحشين لانه يعطي لغفران الخطايا
لما يكون دواء مكتوب عليه لعلاج السكر مين يأخده ؟ اللي عنده سكر
لما يكون دواء مكتوب عليه لعلاج الضغط مين يأخده ؟ اللي عنده ضغط
لما يكون دواء مكتوب عليه يعطي لغفران الخطايا مين يأخده ؟ اللي عنده خطايا
فقال لي: يا سلام يا ابونا ريحت قلبي
فقلت له : هل لديك اقوال اخري
فقال : لا
فقلت له : رفعت الجلسة (جلسة الاعتراف )
الكاتب :اب كاهن
(اتمني اننا حياة التوبة الحقيقة
بعد ما فهمنا يعني ايه توبة
ونطلب من ربنا انه يسندنا في جهادنا ونعيبش حياة التوبة المستمرة
وان تكون لينا عشرة حلوة معاه
واننا نعيبش دايما في حماه حتي لو كان في ضعف مقيدنا هو بس اللي يقدر يخلصنا وينجينا بس نحط كل ضعف وضيق وحزن قدامه وهو بسرعة هايتدخل ويدي سلام وبركة كبيرة)