[حنان بنت المسيح]

جلســــــــــــــة الاعتــــــــــــراف الثـــــــــــــــالثة


في "رو 8 :1 " يقول الكتاب (اذن لا شئ من الدينونة الان علي الذين هم في المسيح يسوع السالكين ليس حسب الجسد بل حسب الروح )
يعني اللي في المسيح (التائبين) مفيش عليهم دينونة خالص
المعترف : طيب يا ابونا قدسك بتقول السالكين ليس حسب الجسد بل حسب الروح يبقي الآيه دي مش ليا لان انا سالك حسب الجسد لاني احيانا كتيرة اسقط في خطايا
فقلت له : اسمح لي اسألك اذا كان التائب اللي بيجاهد وبيرفض الخطية وبيقاومها ولو سقط بيقوم اذا كنت تسمية يسلك بالجسد طيب مين السالك بالروح .... شكله ايه ؟؟؟؟؟؟؟؟
فقال لي: السالك بالروح لا يسقط في اي خطية
فقلت له: هل تعرف احد لا يسقط في اي خطية طبعا لا يوجد
ده احنا في طائفتنا الارثوذكسية نؤمن انه حتي البطرك غير معصوم من الخطأ ووارد انه يخطئ
اذن حسب كلامك لا يوجد انسان علي وجه الارض يسلك بالروح
لا يا ابني السالك بالجسد هو الانسان الغير تائب اللي سايب نفسه للخطية وعايش فيها اما التائب اللي بيرفض الخطية ولو وقع يقوم يبقي بيسلك حسب الروح
يعني انت كتائب بتسلك بالروح
فقال لي :يا ابونا انا عايش في الخطية بقع فيها كتير
قلت له:لا يا ابني اوعي تقول كده دي كذبة من ابليس , خد بالك
الكتاب المقدس يفرق بين الاتنين في "1 يو 5 :16"
يكلمنا عن انه يوجد خطية للموت وخطية ليست للموت ,يمكن نفتكر ان معني الايه ان هناك بعض الخطايا للموت مثل الزني والقتل وبعض الخطايا ليست للموت مثل الحلفان والكذب والشتيمة
لا الحكاية مش كده خالص .........هي مش نوع خطايا لكن نوع خاطئ ازاي؟؟؟؟؟؟؟؟؟؟؟؟
يوجد خاطئ شرير مش تائب سايب نفسه للشر عايش في الخطية هذا كل خطاياه للموت كما يقول الكتاب "غير عالم ان لطف الله انما يقتادك الي التوبة ولكن من اجل قساوتك وقلبك غير التائب تزخر لنفسك غضب في يوم الغضب "
اما الخاطئ التائب فأي خطية يقع فيها أيا كانت الخطية فهي ليست للموت لانه تائب لانه في المسيح يرفض كل خطية ويقاومها وان سقط يقوم ويعترف ويتناول وخطاياه تغفر ليه اول باول فهي ليست للموت
للاسف ان كثير من الوعاظ بيتكلم عن الخطية انها خاطئة جدا وتفصلك عن الله وتوديك جهنم كل ده صح .بس اي خطية ؟؟
خطايا الموت لانسان مش تائب ام خطايا ليست للموت لانسان تائب
طبعا المقصود هو خطايا لانسان غير التائب لكن للاسف لما اللي بيوعظ ما يوضحش انه بيتكلم عن حياة الخطية او انسان غير تائب يحيا في الخطية ويجي الانسان التائب يسمع هذه العظة يفتكر الكلام عليه فييأس لانه يبذل كل جهده في انه يعيش مع الله لكن علينا ان نعرف ان كل كلام الوعاظ عن الخطية هو للانسان غير التائب اما التائب لانه تائب ويجاهد ويعترف ويتناول فتغفر خطاياه اول باول
الكاتب : اب كاهن