يارب سامحني وافتح قلبي
نفسي احس بوجودك جنبي
نفسي احضر قداس وابقي حاسه بكل كلمه فيه بتتقال مش مجرد طقس بعمله
اتناول واهزرواقف مع اللي اعرفهم وخلاص.
نفسي اروح بيوتك واديرتك المقدسه واحس قد ايه الاماكن دي كان فيها ناس انا مستهلش اكون واقفه في مكانهم وفيها المهابه والروحانيه مش مجرد رحله نزور فيها خمس دقايق
والباقي في المكتبه والمضيفه والهزار ومنتجات الدير نفسي ارجع وروحي شبعانه بالمكان نفسي اصوم واحس ببركتك ووصيتك
نفسي يبقي عندي عمق في الصيام مش مجرد اكل حِرش معاه مخلل وبتنجان نفسي اقول طلعت بأيه من الصيام مش كل الكلام عن الاكل والقولون اللي تعبني
اصلي عشان اكلمك واحس بيك واخدمك واديك حقك مش عشان عايزه اطلب منك حاجه
انا محتجاها حتي لو عايزه احط فلوس في بيتك وده حقك مش حاجه كبيره انا بعملها بحط فلوس عشان ممكن تكون ندر علي حاجات عايزاها
المفروض الواحد يحط فلوس وبعدها يقول كل طلباته مهو حتي لو مقلتش انت عارف احتياجاتي ليه كل حاجه انا بعملها فاقده معناها الحقيقي
يارب حسسني بوجودك
المس قلبي واسكن فيه <3
خليني استاهل نعمة اني اكون بنتك