الابن الاصغر
خلي بالك يا ابني دايما من جمع الفلوس..هو شر ساكن معشش فينا بيغير نفوس..ادي واحد خد فلوسه من ابوه وابتدا يبعد بعيد..قال اشوف لي سكه حلوة اكون فيها حر وسعيد..ايوه انا لسه صغير لكني طمعان في الكتير..كنت قاسي كنت جاحد كنت للشيطان اسير...مشيت معاه قولت هاكسب وانا حلمان بالاماني...بس انا لو تهت بره هاعرف ارجع بيتي تاني..بيت العز والخير الكتير اللي انا متربي فيه..انا سيبته في لحظه بس فاكره مش ناسيه..بعد ماخلصت فلوسي وليله آكل واتنين جعان..اصل بعد بيت الاب مش ممكن هيكون الامان ..قولت اقوم ارجع بسرعه ابويا انا محتاج اليك ..خدني لو خدام حتي عندك كل يوم هابوس ايديك.. لسه فاكرك واديني هارجع من نفس الطريق.. انت ابويا وانا ابنك اقبلني انا واقع في ضيق... لسه جاي لقيت خياله بيرسم لي ظل اسير عليه..الفرحه بيا وبالرجوع واضحه قدامي في عينيه..قالي ماتقولش كلام انا عارفك وباحس بيك..بس انا مستني رجوعك هتلاقيني روحي فيك...............