رسملي خطة مليانة أشواق
والشوق بيعلي علي الاشواك
هيعوض عن بكا الفراق
ويكون هو أعز الأحباب
رسملي خطة ويفتح علشاني الف باب
حتي لو اتقفلت كل الأبواب
وعياني هو مر وعذاب
بايماني هشوف عجب العجاب
رسملي خطة ولابد تكمل
وفي يوم الفرح فيها هتأمل
عمره ما يقفل بابه ويمشي
أو حتي يقول هدور وشي
لأولاده اللي عايزين يرضوه
مسكوا هدب ثوبه وما سابوه
رسملي خطة لكنهافي الخفاء
رغم أن انا مش شايف غير العناء
لكن هيفجر نورها في كل الربوع
وتنور وتبذر وسط الجموع
وتحصد بهجة بعد الدموع
رسملي خطة