[Marina Greiss]

الفرق بين المسيحي الحقيقي والمسيحي المنظر
هو هو الفرق بين المسيحي الاصلي والمسيحي المزيف
التوضيح في المثال اللي جاي في الطريق ( ربنا يجيبه بالسلامه )
.
.
.
.
.
.
.
واخيرا وصل ( الحمد لله )
في صلاه الجمعه العظيمه او القداس او تسبحه كيهك واغلب الصلوات عندنا في الكنيسه بيكون لكل صلاه طقس معين مكتوب في كتاب معين

يعني مثلا واحد في القداس ماسك الخولاجي و متابع فيه ومركز في الصلاه وبيسال لو ضاعت منه الصفحه وجرئ
مش زي واحد جنبه في القداس ماسك الخولاجي وتايه في الصفحات و مش مركز في اللي بيسمعه من ابونا حتي ومش عايز يسال حد ومحرج ( في تخيل ان ده احراج انه يسال )

التفسير :
الاتنين في القداس : يعني الاتنين مسيحيين

الاتنين ماسكين خولاجي : يعني الاتنين حافظين الوصايا

واحد متابع والتاني تايه : يعني واحد عارف ازاي الحياه المسيحيه تكون صح وعارف معنها والتاني عارف ان الحياه المسيحيه اسمها الحياه المسيحيه طيب تعرف ايه تاني عنها ولا حاجه ( نكسه ) ومش هقول كبسه من ام رز ولحمه لا هي ( نكسه )

واحد مركز والتاني العكس : واحد عارف الوصايا وحافظها وفاهمها وبيعمل بيها ومركز فيها وماشي عليها صح الصح
والتاني عارفها و حافظها وبس ( اصله منظر مزيف )

واحد بيسال والتاني محرج من السؤال : واحد لو ضاع يحب يرجع و لو غلط يحب يسمع نصيحه و لو مش فاهم يحب يفهم و لو مش عارف يحب يتعلم
والتاني : عكسه لو ضاع يحب يبعد ولو غلط يحب يكمل في الغلط و لو مش فاهم يحب انا يكون جاهل ولو مش عارف مش عايز يتعلم

جرئ :ايمانه صح وثابت وقوي و قريب من المسيح ومن الكنيسه ومن اللي الناس حواليه
محرج :ضعيف و رخو واينمانه بسيط خالص وبعيد عن ربنا وعن الكنيسه وعن الناس اللي حواليه