انا من وجهة نظرى الخاصة انك ماتقولهوش حاجة دا اولا
ثانيا انتى قد تكونى فعلا معجبة بيه لكن مش انك تاخدى
رقم تليفونه وتقوليله انك بتحبيه ومعجبة بيه كدا هايعرف انك
بنت خفيفة وبتجرى وراه انا اسفة على كلامى الجارح بس هى
دى الحقيقة وها يفتكر انك بتعملى كدا مع كل الشباب مش هو بس
وهايتكلم معاكى مجرد للتسلية مش اكتر ولما يجى الجد مش هايختارك
هايختار واحدة هو اللى يجرى وراها مش اللى تجرى وراه
ثالثا خليكى ناصحة وعاقلة حكمى عقلك مش قلبك وعاطفتك
قداسة البابا شنودة الله ينيح روحه الطاهرة بيقول اعقلى واتقلى
خليكى تقيلة هو اللى ياخد رقمك ويجرى وراكى ويقولك معجب بييكى
مش يعنى مجرد انك معجبة بيه انك تقدرى تكملى حياتك معاه
ممكن تكتشفي عكس ماكنتى متصورة خليكى تقيلة وما تتسرعيش