منتدى الفرح المسيحى

الحب.. ❤️

https://upload.chjoy.com/uploads/169916530641481.jpg
الحب اللي بيه الله نفخ في آدم وإداله من روحه نسمة حياة ..
الحب اللي بيه غطاهم وسترهم -آدم وحوا-
لما غلطوا وقرر إنه يدفع هو التمن ويفتح لهم الطريق
من تاني عشان يرجعوا للعلاقة معاه..

الحب اللي بيه الله أثبت صدق كلامه ووعوده لشعبه
في العهد القديم واللي بيه برضه جه لا ليُنقض
بل ليُكمل في العهد الجديد..

الحب اللي بيه قبل الزانية وزكا وغيرهم كتير ..
الحب اللي خلاه يتحنن على ابن الأرملة وغلام قائد المئة
ويشفي نازفة الدم..
الحب اللي كان نهايته الصليب اللي أعلن فيه الله عن خلاصه للبشرية
هكَذَا أَحَبَّ اللهُ الْعَالَمَ حَتَّى بَذَلَ ابْنَهُ الْوَحِيدَ
، لِكَيْ لاَ يَهْلِكَ كُلُّ مَنْ يُؤْمِنُ بِهِ، بَلْ تَكُونُ لَهُ الْحَيَاةُ الأَبَدِيَّةُ." (يو 3: 16).

الحب اللي بيغير.. اللي بيدي حياة مش موت..
يارب أشكرك عشان حبك الكبير ليّ رغم إني ما استاهلش..
حبك اللي بيغطي كل عيب فيّ وشايفني في صورة القداسة دايمًا..
ساعدني أكون حقيقي وأعرف أعيش الحياة دي معاك💜