منتدى الفرح المسيحى - دوري بس و دورك نلبس ملابس الحرب و نكمل منستسلمش

https://upload.chjoy.com/uploads/169816955467461.jpg

في آية جميلة بحبها في سفر الخروج بتقول

لِلرَّبِّ حَرْبٌ مَعَ عَمَالِيقَ مِنْ دَوْرٍ إِلَى دَوْر ( خروج ١٧)

يعني الحرب لنهاية حياتك علي الأرض مش هتخلص .
.فيه حرب لازم تخوضها للنهاية
كل أما تقع في خطية قوم كمل حربك في صلاتك و توبتك
و قول للرب حرب مع عماليق من دور إلي دور ..
فيه حرب لازم أخوضها و أكملها

كل أما تنهزم في فكرة يأس تطول معاك
قوم و كمل حربك وقول فيه حرب لازم أخوضها و أكملها

كل أما تسقط في فكرة إحباط تبعدك عن طريق النور
إرجع أرض معركتك و قول فيه حرب لازم أكملها

و المشجع إنه ماقالش للشعب حرب مع عماليق
لكن قال للرب حرب مع عماليق
يعني الحرب اللي بتخوضها مع إبليس
و أسلحته هي في الأساس موجهة ضد الله
و الله هو اللي بيحارب عنك ..
دوري بس و دورك نلبس ملابس الحرب و نكمل منستسلمش
و هو هيحارب عننا .