منتدى الفرح المسيحى - ساعدنا نتعامل مع جروحنا بوعي

https://upload.chjoy.com/uploads/169816715932231.jpg

جروحنا كدة كدة هتخرج و تتكلم
سواء بمزاجنا أو غصب عننا ..
سواء إرادياً أو لا إرادياً

هتخرج في صورة صلاة و صراخ
هتخرج في صورة دموع
هتخرج في صورة تمرد علي الله أو علي الناس أو علي النفس
هتخرج في صورة عزلة
هتخرج في إدمان و مخدر
هتخرج في شغل زيادة
هتخرج في إبداع و إبتكار و عمل إيجابي

كل شخص حسب توجيهه لجروحه تاخده لفين ..
بيكون هو ، لكن تبقي الجروح منطقة مقدسة بالنسبة لله
و بالنسبة للإنسان

و هي سلاح ذو حدين
اما تقود الإنسان للفخاري الأعظم حيث التشكيل ،
أو تقوده الي اليأس و الهروب و الإدمانات .

يا إلهنا ساعدنا نتعامل مع جروحنا بوعي
و نضج و صلاة و إتضاع