منتدى الفرح المسيحى - إنت بس سيبها عليه وقوله شكرًا

https://upload.chjoy.com/uploads/169804928138881.jpg

قلقان ...؟
بقى ده حالك الطبيعي
شايل الهم ... ؟
يمكن .. أه شوية
عندك مشاكل كتير ...؟
يووه ماتعدش

عايز أقولك إن اهتمامنا الزايد بكل حاجة حوالينا
بيتعبنا أوي لأنه بيكتّر قلقنا 😞
بس تعرف إن المطلوب منك علشان تخلص من ده كله إيه؟

اقرأ معايا الآية دي:
لاَ تَهْتَمُّوا بِشَيْءٍ، بَلْ فِي كُلِّ شَيْءٍ بِالصَّلاَةِ وَالدُّعَاءِ مَعَ الشُّكْرِ
، لِتُعْلَمْ طِلْبَاتُكُمْ لَدَى اللهِ." (في ٤: ٦)

يعني ماتهتمش بزيادة بأي حاجة بس في كل حاجة
صلّي لأن حياة الصلاة بتغيرك واطلب منه بالتحديد كل اللي إنت محتاجه أو حتى اللي تاعبك مهما كنت شايفه قليل أو كبير بس عرفّه طلباتك لأن الاستجابة متاحة وهو مستعد يريحك ويشيل عنك كل هم علشان هو أبوك وعينه عليك، إنت بس سيبها عليه وقوله شكرًا
أنا عارف إنك مش سايبني💜