|
بيتسلى بيكى
بتحب ؟اه بحب
بتحب مين ؟ بحب البنت كتكوتة هى عندها كام سنة ؟ وهى بتحبك ؟ اسكت يابنى دى بتموت فى دباديبى ازاى؟ كل ما بتشوفنى تقولى بحبك كده على طول ؟ طبعا صحبك روش برضه لا ماهو باين اهلها يعرفوا ؟ لا طبعا ليه ؟ ممممممممممم مش عارف يمكن علشان كده غلط ؟ لا طبعا طيب ليه ؟ جهل بعيد عنك طيب واخرتها ؟ اخرة ايه اخرة الحب ده ؟ ادينا بنتسلا بتتسلا ؟ ايوة يعنى مش ناوى تتجوزها ؟ هههههه اتجوز مين يا عم انا لاقى اكل طيب بتحبها ليه ؟ مش عارف انا بحبها اه لكن جواز لا ليه ؟ يمكن علشان لسة بدرى وصعب اكون اسرة دلوقتى طيب بتحبها ليه ؟ يابنى اصل انتا مش فاهم طالما دخلت الجامعة لازم يبقى عندك الجيرل فرند بتعتك وده مهم ؟ طبعا لاننا لازم نواكب العصر ونعيش اللحظة طيب مانتا كده ممكن تحطم البنت وتصدمها ؟ ايه يا عم الدراما دى لا مش كده خالص طيب ازاى ؟ هو يومين وهتنسى وانا هقولها ان غصب عنى غصب عنك ازاى ؟ ماهو انا حتى لو رحت اتقدملها اهلها مش هيوافقوا غير لما اخلص دراسة واشتغل وخلنى بقى حد لاقى شغل اليومين دول يعنى انتا بتحبها وممكن تسبها فى اى وقت من غير ما تعمل حساب لمشاعرها ؟ مانا قلتلك يومين وهتنسى وهى هتتجوز وخلاص بس دا ميمنعش انك هتجرحها ؟ اجرح مين ياعم الدنيا كلها كده هو انتا هتصلح الكون عندك حق انا مش هصلح الكون ؟ سلام بقى علشان البنت بتعتى جاية اهى اتفضل وربنا موجود هو ده حب شباب الجامعات اختى انتى غالية جدا عند ربنا فمترخصيش نفسك مع واحد كل همه انه عاوز يتسلى خليك غالية فى نظرك واوعى تنساقى خلف كلام ليس له اى فائدة فكرى ان الشاب ده اولا بيحبنى ليه ؟ واخرة الحب ؟ وهل هو جاد؟ بدل من ان تندمى على كل لحظة قضيتيها مع شاب مستهتر لا يعرف شيى عن المسؤلية وستكونى انتى الخاسره الوحيد فى وقت لن يفيد فيه ندم |
رد: بيتسلى بيكى
صح يا كاتي
معاكي حق بس عارفه في بنات كتير بتكون عارفه ان الشاب ده مش هيقدر يتجوز ومعندوش امكانيات وبردو بتحبه وبنات كتيره بتعمل كده لان كل بنات الشله بتحب انا بسمي دي هبل هيه قابله علي نفسها انها تكون تجربه ضمن تجاربه الكتيييييره الواحده لازم تعرف انها غاليه ومشاعرها غاليه وتحوش مشاعرها لحد الشخص الامين اللي هيدخل البيت من الباب مش من الشباك |
رد: بيتسلى بيكى
ميرسى لمرورك ياجميل
وكلام صح جداااا هو فعلا فى بنات كده بس كمان فى ولاد كتير بتعشم البنات وفى الاخر يقول كنت بتسله وفى بنات كتير اتجرحت بسبب الموضوع ده انا نفسى كل شاب يحط نفسه مكان البنت لو دى اختك ترضه انه حد يلعب بيها زى ماانت بتعمل كده |
رد: بيتسلى بيكى
ليه كده ياشباب ناس كتير دخلت بس معلقتش
مع انه موضوع مهم ياريت كل اللى يدخل يقولنا رايه |
رد: بيتسلى بيكى
عندك حق يا كاتى ف كل الكلام ده
بس محدش بيفهم و اللى بيفهم بيعمل عبيط |
رد: بيتسلى بيكى
بصراحه من واقع انا عشته ايام الجامعه
صحيح فى اوقات كتير بيكون فى حب لاصدقاء الجامعات وفى منها بينجح وانا شوفت دا بعينى بس برضوا الاغلب انه مش بينجح وبيكون لمجرد التسليه وبرضوا شوفت دا انا مش هاقدر اقول ان الحب ايام الجامعه غلط ولا هاقدر اقول انه صح بس اللى اقدر اقوله للبنات خدوا بالكم من نفسكم لو جالكم ولد وصحك عليكم بكلمه انا بحبك اتأكدى من كلامه الاول وانتوا يا شباب حرام عليكم تعلقوا بنات الناس لان ممكن اوى زى ما بتعمل فى بنت اختك يتعمل فيها كدا وربنا مع كل اخوتنا البنات وحاجه تانى لو البنت قريبه من ربنا ومن الكنيسه انا واثق ان مش هايتعمل فيها كدا لانها يوم ام هتحب هتحب حد برضوا من الكنيسه وقريب من ربنا |
رد: بيتسلى بيكى
اقتباس:
الموضوع ده بقى منتشر جدااااااااااا ولازم نخلى بالنا من كده ميرسى لرايك يامينا |
رد: بيتسلى بيكى
اقتباس:
كلامك صح جداااااااااا ميرسى لرايك ياوليد |
رد: بيتسلى بيكى
انا من رأي وليد مش كل حب الجامعة يينحج اغلبه بيفشل علشان بيقابله الكثير من المشاكل
أولا لسة بدري على الشاب لغاية ما يبني مستقبله والجيش ومشاكل مادية كتير والبنت بتكون فى سنة مش بتقدر ترفض فيه شاب جاهر خوفا من العنوسة شكرا يا قمر ربنا يباركك بيتسلى بيكي |
رد: بيتسلى بيكى
مشاركة مهمة جدا وموضوع مهم واصبح منتشر اليومين دول
ميرسي ياقمر |
| الساعة الآن 06:06 AM |
Powered by vBulletin® Copyright ©2000 - 2025