منتدى الفرح المسيحى - سمعتك سابقاك /بولس وسيلا

https://upload.chjoy.com/uploads/169701393804071.jpg

ماهو الانسان سُمعة .. معروفة✋
والسيرة هي اللي بتبقى، مكان ما تروح وراك وراك..

ودا اللي حصل بالظبط مع اتنين من تلاميذ الرب يسوع
- رغم إنهم مكانوش من ضمن ال ١٢-
إلا إن سُمعتهم كانت سابقاهم..

بولس وسيلا اللي اتقال عنهم إنهم فتنوا المسكونة
بكلامهم وإعلانهم عن الملك الحقيقي .. يسوع المسيح.
رغم كل الاضطهاد والقسوة اللي شافوها إلا إن هدفهم
كان واضح وتبعيتهم للمسيح ظاهرة جدًا،
مش بس شعارات وكلام ظاهري لكن دا كان دافع قلبهم من جوه
، يمشوا للنهاية في سكة التبعية مهما كلفتهم،
وفعلًا في النهاية خسروا حياتهم على الأرض لكن كسبوها في السما..

يارب خليني أكون قد مسئولية تبعيتك👣
ويكون اسمي وسُمعتي تابعة لاسمك
وكل اللي يشوفني يعرفك من خلالي لأنك واضح فيّ🙏💜