منتدى الفرح المسيحى - لكي لا يفني إيمانك/ بطرس

https://upload.chjoy.com/uploads/169679753175491.jpg

أول لما بتسمع أسم بطرس، بيجي في دماغك إيه؟! 🤔
أه دا اللي أنكر👌، وكأن بطرس ماعملش أي حاجة
تاني كويسة نفتكره بيها.

لكن في أية قالها له الرب يسوع،
كل شوية باقف قدامها الأيه دي بتقول👇
وَلكِنِّي طَلَبْتُ مِنْ أَجْلِكَ لِكَيْ لاَ يَفْنَى إِيمَانُكَ.
وَأَنْتَ مَتَى رَجَعْتَ ثَبِّتْ إِخْوَتَكَ». (لو 22: 32)

باستغرب أوي إزاي الرب بعد كل اللي عارفه عن بطرس يقول له كده،
هو أنت لسه مستنيه يارب؟
بتصلي عشانه وعشان إيمانه، لأ وإيه، ولما ترجع هتلاقي مكانك محفوظ، وعايزك تثبت أخواتك في الإيمان أكتر، تخيلوا!🙄

الأية دي بتشجعني أوي، حتى لو غلطت زي بطرس،
أنا ليّ سكة للرجوع والتوبة وليّ قبول من الرب.

يارب أنا بشكرك على كل فرصة بتديهاني دايمًا
وبابك المفتوح ليّ.🙏💜