منتدى الفرح المسيحى - خليني يارب شبهك في تصرفاتي مع كل كل حد محتاج سنده

https://upload.chjoy.com/uploads/169670735522481.jpg

انهارده كنت فحفله للكنيسه وكان في اسكتش بيتقدم حلو اوي
المهم في بنت من الاسكتش في آخر المسرحيه نسيت الكلام
واتلغبطت وقعدت تعيد وتغلط ووقفت لحد مافتكرت تاني الكلام بس البنت اتكسفت
وخلص الأسكتش وعجب الناس جدا بس البنت دي اتخنقت كده
وكانت هاتعيط ودخلت علي جنب وسط تسقيف الناس أنا شوفت المسيح هاتقولي اذاي
شوفت المسيح في ام البنت دي
ام البنت عنيها كانت علي بنتها
شافتها زعلت سابت الحفله وراحتلها عند الكواليس وطبطبت عليها وقعدت تقولها
( في ايه انتي كنتي هايله انتي حلوه اوي ولا يهمك الناس مبسوطه وانتي كنتي جميله )
هو ده المسيح
يشوفك متلغبط بتغلط مش عارف تكمل مكسوف دموعك في عينك يجري عليك
ويقولك لا أنت حلو انت شاطر ولا يهمك عادي مافيش حاجه
تخيلوا بقي احنا واحنا ضعاف وخطاه ونعرف نسند ونشجع تخيلوا بقي المسيح نفسه لما يشوفك
في حاله لغبطه وانهزام ومكسوف ممكن يعمل معاك ايه
صلي دايما قوله خليني يارب شبهك في تصرفاتي مع كل كل حد محتاج سنده