منتدى الفرح المسيحى - عاوز يتقفل عليا هنا

https://upload.chjoy.com/uploads/169670675103611.jpg

عاوز يتقفل عليا هنا
بيقول الكتاب سفر التكوين ان ربنا لما نوح دخل الفلك
( اغلق الرب عليه الفلك)
انا عاوز يتقفل عليا هنا ماخرجش من هنا
بيت ربنا هو المكان الوحيد اللي ثابت
الدنيا بتتقفل في وشنا بنروح هناك تلاقي مكان
دموعك ليها قيمه جوه
وجعك بيتصان
توهانك وحيرتك بتلاقيلها هدؤ
جوه المكان ده عيلتك وحبايبك
وعيلتك وحبايبك مش بشر وناس
عيلتك هما
ابوك اللي عمره ماتعبك هو يسوع اللي بيحب يسمع صوتك حتي لو كان كلامك شويه تنهدات
امك هي العدرا الحنينه عليك
اخواتك هي خدمتك اللي بتنسيك تعب وهموم الحياه
أصحابك هما قديسين بتشفع بيهم بيشاركوك مشاكلك وتعبك
نصيحه صغيره ليا ولاي حد جوه الكنيسه
مش عاوزين نخش بيت ربنا نتعب لان احنا جاين من تعب ووجع
عاوزين نخش نلاقي ناس شبه المسيح يقبلونا ويبقي نيتهم صافيه من جواهم ومانخافش منهم ولا نفكر مليون مره واحنا بنتكلم واحنا قاعدين معاهم
عاوزين نخش نرتاح وبس لان فعلا بصدق وبحق مابقاش
في مكان واحد مريح في العالم غير الكنيسه