منتدى الفرح المسيحى

https://upload.chjoy.com/uploads/169537923499291.jpg

وأنا ماشية في سكة التبعية كان عندي سلسلة انتصارات وهزائم
أمشى شوية وأعطل شوية لحد ما عملت ليَّ
٤ دواير مهمة بتساعدني أفضل مكملة :-

١- قاعدة شخصية يومية ليَّ مع ربنا، وكنت مركزة
إني أقعد حتى لو نفسيتي مش أحسن حاجة
أو مش حاسة أي حاجة ناحية قاعدتي معاه
، لكن خليت الوقت دا إلزام ليَّ في البداية
لحد ما بقى أمتع وأحلى حاجة في يومي

٢- اختارت حد من أصحابي يمشى معايَّ السكة،
يشجعني لما أحس إني مش قادرة أكمل

٣- دورت على مرشد روحي يتابعني
ويسألني كل فترة وصلت لفين وأروح له لما ماكونش فاهمة
أو لما يعدي عليَّ مواقف مش عارفة أتصرف فيها إزاي

٤- ارتبطت بجسد كبير يبقى عندي انتماء ناحيته وأكبر وسطيهم
وأحس إني مسنودة بيهم ومتدفية وسطهم وأتمتع بعلاقة ربنا معاهم

أشجعك تشوف الدايرة اللي مش موجودة عندك
وتعمل مجهود فيها وبجد هاتشوف فرق كبير 💪🏻