منتدى الفرح المسيحى - جاي وباقولك نسيني المشقة🙏🏻

https://upload.chjoy.com/uploads/169486326112651.jpg

ذكريات🥺
ذكريات كتير مؤلمة بتعدي علينا..
لكن لما بتتكرر حاجة شبه اللي حصلت بنلاقي نفسنا في حالة من اللخبطة ..كأننا واقعين في نفس حفرة الوجع بتاع زمان بسبب تكرار المواقف..
جت قدامي الكلمات دي 👇
"لأَنَّكَ تَنْسَى الْمَشَقَّةَ. كَمِيَاهٍ عَبَرَتْ تَذْكُرُهَا." (أي 11: 16).

يارب قدام ذكريات بتعطلني جاي وباقولك نسيني المشقة🙏🏻
سامحني لأني باتلخبط بين الماضي والمستقبل
اللي انت حاطط لي فيه دعوة واستخدام..
ساعدني أبص لجمال بكرة معاك..
أسعى معاك وأمتد 😍
أعبر وأعدي أيامي الصعبة..
أخطي وانا مبتسم مش موجوع من ذكريات..
وأعمل كل يوم ذكرى جديدة تحلي أيامي الجاية معاك💜