منتدى الفرح المسيحى - مشيئتي تمشي مع مشيئتك

https://upload.chjoy.com/uploads/169481871051691.jpg

الصراحة يارب ساعات بحس أني في الحياة دي مُخير،
وساعات بحس أني مُسير.. وفي أغلب الوقت بين الاتنين!
بس لو سألتني عن شهوة قلبي بجد ؛ هاقولك
مشيئتي تمشي مع مشيئتك!
أحلامي تكون علي قلبك!
حتي أفكاري تكون منك…
عارف ياما بغلط، بوعد ومش بوفي ، بقع كتير ومش بتبقي أخر مرة،
بس صدقني دي شهوة قلبي..
لو بس أعرف مشيئتك لحياتي.. لو بس أكبر شوية في إيماني
وأبقي عايش مميز صوتك عن اي صوت تاني..
عارف هدفي، وعايش أحلامي
وأصدق في محبتك وتوقيتاتك في حياتي..
هاعوز ايه تاني؟!