منتدى الفرح المسيحى - مش واثق فى اللى شايفهم هثق فى ربنا اللى مشفتوش ازاى

https://upload.chjoy.com/uploads/169343280982521.jpg

الدنيا بتعلم للأسف أنك ماتثقش في حد أبدًا..
غير لما تعاشره كتير وتجرب العلاقة معاه
في الوحش قبل الحلو..
دا مع البني آدم اللي بنشوفه!
أومال نعمل إيه مع الله اللى مش شايفينه؟
صعب التصديق والثقة والإيمان 🤷
بس ربنا الوحيد اللي يستاهل نصدق ونثق
ونآمن بيه حتى لو مش فاهمين 🙈
ببساطة هو كلي المعرفة.. كلي العلم .. كلي التواجد ..
هو الحب نفسه هو الأمان والرجاء والسند..
وكتير صفات كل ماتعاشره تكتشف حتة أكتر من جماله،
تعالوا نديله كل الثقة والإيمان مافيش غيره يستحق..
وهو بيقدر جدًا الثقة الكاملة..
والإيمان والتصديق دا، وبيكافئه كمان 😍