منتدى الفرح المسيحى - بصدق فيك وفي وعودك، رغم الواقع الأليم

https://upload.chjoy.com/uploads/169342696607931.jpg

● كنت لما باسمع لقب "خليل الله" باقول الله إيه الجمال ده 😍😍
هو أنا ينفع يبقى جنب اسمي خليل أو صديق الله زى ابراهيم!!
لقب حلو أوى بس الطريق اللى مشي فيه ابراهيم كان صعب
ومرهق أوى أوى 🥺..
○ واحنا بنبص على حياته ممكن نقف نسقف لما نشوفه فى بداية دعوته سايب أرضه وناسه وراحته ورايح أرض جديدة بس عشان يتبع الله...
● ممكن عنينا تلمع لما نقرأ تكوين 13
"لأَنَّ جَمِيعَ الأَرْضِ الَّتِي أَنْتَ تَرَى لَكَ أُعْطِيهَا وَلِنَسْلِكَ إِلَى الأَبَدِ.
وَأَجْعَلُ نَسْلَكَ كَتُرَابِ الأَرْضِ، حَتَّى إِذَا اسْتَطَاعَ أَحَدٌ أَنْ يَعُدَّ تُرَابَ الأَرْضِ فَنَسْلُكَ أَيْضًا يُعَدُّ."
ممكن نقول بجد الحياة مع الله رائعة واللي بيتبع المسيح بيكسب،
بس السكة كانت صعبة، راجل فى مجتمع شرقى مش بيجيب أطفال ...
عنده خير وأراضى وأملاك وسمعة وسط الرجالة..
ومش بس كده ده الله نفسه بيكلمه وساعات بيظهر له🤩
بس معندوش حد يورثه 😰..
وبيذكر الكتاب فى تكون 15 "ثُمَّ أَخْرَجَهُ إِلَى خَارِجٍ
وَقَالَ: «انْظُرْ إِلَى السَّمَاءِ وَعُدَّ النُّجُومَ إِنِ اسْتَطَعْتَ أَنْ تَعُدَّهَا».
وَقَالَ لَهُ: «هكَذَا يَكُونُ نَسْلُكَ»."
● وهنا بيخرج ابراهيم عن صمته ويسأل الله
إزاي هتعمل كل ده وأنا مش عندي نسل وكمان عندى 80سنة ..
○ للحظات لو مكان ابراهيم ممكن أفقد الأمل
، ممكن أقول لنفسي أنا استنيت كتير لكن يقول الكتاب:
"فَآمَنَ بِالرَّبِّ فَحَسِبَهُ لَهُ بِرًّا.
وصل ابن الموعد "إسحق" اتحقق الوعد بعد سنين
علشان إيمان إبراهيم اللي انتظر ٢٠ سنة🙂
👈النهاردة يارب أنا بصدق فيك وفي وعودك، رغم الواقع الأليم..
باصلى استمتع بالرحلة وبالتشكيل في وقت الانتظار ...
👈باصلى اتبعك يالله وأشوفك الصديق والأب الأمين مهما اتاخرت عليّ.