منتدى الفرح المسيحى - عبَّرني يارب 🌊

https://upload.chjoy.com/uploads/169296082951711.jpg

ياترى أنهي أصعب؟!
خطوة بطرس الأولى ع المية ولا الخطوة التانية؟!👣

طيب خطوة بطرس الأولى أصعب ولا خطوته العاشرة؟!🤔

غالبًا الأولى كانت أصعب من التانية لأنه كان لازم يجرب يحط إيمانه في تحدي ويعدي الخطوة، وبالتالي الخطوة التانية كانت أسهل شوية👣..

يمكن مع كل خطوة بطرس بقى عنده الخبرة في المشي ع المية .
. أيوة شايف نجاحه في الخطوات.
. والأهم أنه شايف يسوع منتظره يكمل مشي🥺...
لكن الخطوة العاشرة دي كانت أصعب في نظري...
خطوة لو وقع فيها مالوش طول... هيقع في الغريق..
. خطوة حتى الرجوع فيها مش هيعرف يعمله،
ولا هيحب يرجع للشط🏊🏻‍♂..

عارف إنك موجود لكن سامحني أنا لسة ضعيف..

أنا مش قابل أرجع للشط.. أنا هاركز عليك🥹
قيس خطوات تاني وأمسك ايدي وأعن عدم إيماني💜..
وعبَّرني يارب 🌊

"ثُمَّ قَاسَ أَلْفًا وَعَبَّرَنِي فِي الْمِيَاهِ، وَالْمِيَاهُ إِلَى الرُّكْبَتَيْنِ.
ثُمَّ قَاسَ أَلْفًا وَعَبَّرَنِي، وَالْمِيَاهُ إِلَى الْحَقْوَيْنِ
.ثُمَّ قَاسَ أَلْفًا، وَإِذَا بِنَهْرٍ لَمْ أَسْتَطِعْ عُبُورَهُ، لأَنَّ الْمِيَاهَ طَمَتْ،
مِيَاهَ سِبَاحَةٍ، نَهْرٍ لاَ يُعْبَرُ."
(حزقيال ٤٧: ٤-٥)