منتدى الفرح المسيحى - المركب اللي ليها ريسين بتغرق 🕳️ (شاول الملك )

https://upload.chjoy.com/uploads/169295778048551.jpg

المركب اللي ليها ريسين بتغرق 🕳️
الحياة الروحية زي المركب ماينفعش يبقي فيها ريس غير ربنا..

لكن بنيجي في مواقف وأوقات بنقرر إننا عاوزين نمشي حياتنا بدماغنا
، وده بيكون مبتدأ الأوجاع 🤦

عندك مثلًا الملك شاول كان تابع كويس قوي لربنا في بداية ملكه
، وربنا كان بيقوده بنصرة عظيمة في كل خطواته 💪
لغاية ما في يوم قرر إنه مش هينتظر الرب، ولا هيسأله،
وتعدى علي كلام الله، وهنا شاول خسر قيادة الله لحياته 😐
فَسَأَلَ شَاوُلُ اللهَ: «أَأَنْحَدِرُ وَرَاءَ الْفِلِسْطِينِيِّينَ؟
أَتَدْفَعُهُمْ لِيَدِ إِسْرَائِيلَ؟» فَلَمْ يُجِبْهُ فِي ذلِكَ الْيَوْمِ.
(صموئيل الأول ٣٧:١٤)
و للاسف رفضه لقيادة الله بدون توبة بيكون بداية النهاية
لحياة التبعية الحقيقية 💔
يذكر الكتاب: لأَنَّ التَّمَرُّدَ كَخَطِيَّةِ الْعِرَافَةِ،
وَالْعِنَادُ كَالْوَثَنِ وَالتَّرَافِيمِ. لأَنَّكَ رَفَضْتَ كَلاَمَ الرَّبِّ رَفَضَكَ مِنَ الْمُلْكِ»
.(صموئيل الأول ٢٣:١٥)
التبعية حياة فيها الله هو الراعي و احنا بنتبع أثار رجليه 👣
باصليلك إنك تكون تابع أمين لخطواته وآثار رجليه 🙏
تَمَسَّكَتْ خُطُوَاتِي بِآثارِكَ فَمَا زَلَّتْ قَدَمَايَ. ♥️✨