منتدى الفرح المسيحى

https://upload.chjoy.com/uploads/169194254937971.jpg

فى يوم صحيت باردد فى الآية دى
وبقول إنى باحب اصلى بيها من وانا صغيرة«اِسْأَلُوا تُعْطَوْا.
اُطْلُبُوا تَجِدُوا. اِقْرَعُوا يُفْتَحْ لَكُمْ.(متى ٧: ٧)

وفضلت أفكر وقتها إن أوقات كتير باحس إن صلاتى مش مستجابة
أو حتى ربنا مش بيسمعها وقتها..🥺 همس جوايّ صوت:
هل أنا لسه عندى الثقة الكاملة
والجرأة قدام الله إنه هيعطينى اللى باسأله وباصلى علشانه؟؟!!
لاقيت ربنا بيرد عليّ بقوة بآية ١١
فإن كنتم وأنتم أشرار تعرفون أن تعطوا أولادكم عطايا جيدة
فكم بالحرى أبوكم الذى فى السماوات
يهب خيرات للذين يسألونه..
وقولت آه يارب أنت مش بس هتدينى اللى هاسأله منك
لا وكمان عندك خيرات كتير ليّ 🙏🏼

اشجعك دايما تتقدم بثقة وجرأة قدام الله فى صلاتك..
صدق إن ليك خيرات كتير من عنده علشان انت ابنه.. ابن الملك💜