منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم المواضيع المسيحية المتنوعة (https://www.chjoy.com/vb/forumdisplay.php?f=154)
-   -   حكمة نازلة من فوق (https://www.chjoy.com/vb/showthread.php?t=977912)

walaa farouk 05 - 08 - 2023 09:58 PM

حكمة نازلة من فوق
 
https://upload.chjoy.com/uploads/169127263411441.jpg


من امتى القرارات بقت صعبة ومصيرية كده!؟
من امتى الخساير بقت تقيلة و مش بتتعوض كده..؟
من امتى الحياة بقت جد وتخوف بالشكل دا..؟
يارب أنت شايف المليون سكة وطريق المفتوحين .. وشايف المليون معركة ولخبطة وتوهان جوايا..
مفارق طُرق مفيهاش مساحة للغلط، لان مفيهاش رجعة..
خايف اندم علي اللي بسيبه، وخايف اندم برضو لو فضلت مكاني ماتحركتش!

عارف يارب..
انا ماينفعنيش غير طلبة واحدة دلوقتي..
"حكمة".

حكمة pure من السما.. حكمة مفيهاش اي تدخُل بشري.. ولا ذكاء وحسابات ومنطق..
حكمة منك أنت بس.. فيها خُلاصة مشورتك ورؤيتك وخطتك لحياتي..
حكمة "نازلة من فوق" زي مايعقوب قال..
اصل ماينفعش في مصيري ومستقبلي غير حكمتك أنت يارب!
بطلُبها وقلبي مستموت عليها، وراحته فيها بس يارب..
ارجوك ماتخذلنيش!
"وإنما إن كان أحدكم تعوزه حكمة
فليطلب من الله الذي يعطي الجميع بسخاء ولا يعير فسيعطى له."
(يعقوب ١)
حكمة نازلة من فوق


الساعة الآن 10:29 PM

Powered by vBulletin® Copyright ©2000 - 2025