|
(يارب صالحنى ) دايما فى صلاتى بقول شكرا يارب
https://upload.chjoy.com/uploads/169045996514051.jpg انهارده وانا بصلى جات فى دماغى دعوه عمرى ما قولتها ولا فكرت فيها حتى !! (يارب صالحنى ) دايما فى صلاتى بقول شكرا يارب على.... يارب انا عايزه كذا .... يارب حافظ على ..... يارب يحصل كذا .... يارب ميحصلش كذا .... بس اول مره اقول يارب صالحنى صالحنى على ايامى اللى ضاعت من عمرى وانا زعلانه من حاجه انا ماليش يد فيها .. صالحنى على كل لحظه تعب عشتها وانا مش عارف اعدى سبب التعب ده ازاى و قليل الحيله .. صالحنى على كل وجع قلب حسيت بيه و معرفتش اوصفه ... صالحنى على كل امنيه اتمنتها و متحققتش وتكاد تكون اتحقق عكسها ... صالحنى على مشاعرى اللى راحت لناس كتير ومقدروهاش ... صالحنى على كل شخص حطيت فيه ثقه و خانها ... صالحنى على كل وقت حسيت فيه انى مش فى مكانى و مع ناس مش شبهى و مكنش عندى رفاهيه اختيار البعد ... يمكن ربنا مش سبب فى ده كله !! بس هو قادر انه يعوض و يصالح و يطبطب على كل قلب حاسس بوجع ... هو الاهتمام فعلا مبيطلبش و بيبان الطلب ده ضعف بس ده فى قاموس البشر القاسى لكن مع ربنا الموضوع مختلف ...ربنا بيسمعلك و انت بتشتكيله و دموعك مش عارف توقفها ... الخلاصه ربنا حنين و قادر يعوض عن السنين اللى اكلها الجراد ❤️ |
| الساعة الآن 05:50 AM |
Powered by vBulletin® Copyright ©2000 - 2025