منتدى الفرح المسيحى - تعالي ندي ولادنا المسيح بقوه ومانخافش انهم يزهقوا

https://upload.chjoy.com/uploads/169044782436671.jpg

ضحك علينا ابليس لما قالنا ولادكم علشان يجوا الكنيسه
ويعرفوا ربنا كتروا رحلات وكتروا خروجات
واعملوا ايام فيها لعب وفي الاخر اتصوروا
ونزلوا صور علي الفيس واكتبوا (احلي اجتماع )
ضحك علينا ابليس حقيقي
بس صدقوني ولادنا وشبابنا اديهم ربنا بصدق وبحق وببساطه وبحُب هاتلاقي كل ولادنا ملوا الكنيسه
انتوا فاكرين لما نجيبهم بخروجات واكل وشرب هايقربوا
من ربنا لا صدقوني
ولادنا لما بيلاقوا كلام حقيقي من ربنا هايمسكوا في ربنا والكنيسه
ممكن نقول انه جيل صعب بس صدقوني هو صعب علشان بردو احنا من جوانا فاضيين مش بنقدم ربنا بقوه وبروح
تعالي شوف لو عملت دراسه كتاب ولا صلاه والشباب مصدق
ولامس ربنا في الخادم او في الكاهن صدقني مش هايبطل انه يجي
فبلاش ابليس يضحك علينا بأوهام ونطلع في الاخر القصه شويه صور ولايكات ومهرجانات وزحمه والحصيلة الروحيه ضعيفه
تعالي ندي ولادنا المسيح بقوه ومانخافش انهم يزهقوا
الزهق مش بيبقي من كلام ربنا الزهق بسبب ان بدي ربنا لاولادنا بفتور
(اقدس انا ذاتي ليكونوا هم ايضا مقدسين)