منتدى الفرح المسيحى - رغم ضعفي بحبك

https://upload.chjoy.com/uploads/169040712707611.jpg

كل الماضي بيشهد ليك ولحبك ورعياتك لينا
والحاضر والجاي في إيديك بالحمد هايشهدلك فينا،
كل الماضي بيشهد إنك أب حنون؛
كل الماضي بيقول إنك صالح ومُنعم؛
كل الحاضر بيشهد أمانتك؛
كل الحاضر بيقول إنك مهتم بأصغر تفصيلة
عايز أقول "أنا ليَّ إله عظيم"
رغم إن الماضي بتاعي مش أحسن حاجة مُخجل ويكسف
رغم الماضي مايسرش ومايفرحش؛
وليه هاروح بعيد الحاضر بيزعلك عليَّ؛
بيخليك تغير عليَّ لما بحب "حاجة" أكتر منك،
بس أنا رغم ضعفي بحبك؛
رغم أني بحب حاجات أنت مبتحبهاش
بس برضوا بحبك؛
نفسي أصرخ وأقولك "بحبك"
والدنيا كلها تعرف أني بحبك؛
بحبك يارب يا قوتي