منتدى الفرح المسيحى - هذِهِ كَلِمَةُ الرَّبِّ إِلَى زَرُبَّابِلَ

https://upload.chjoy.com/uploads/168977309235761.jpg

«هذِهِ كَلِمَةُ الرَّبِّ إِلَى زَرُبَّابِلَ قَائِلًا:
لاَ بِالْقُدْرَةِ وَلاَ بِالْقُوَّةِ، بَلْ بِرُوحِي قَالَ رَبُّ الْجُنُودِ."
(زك 4: 6).
كلنا حافظين الآية دي بس عارفين قصتها!؟🤔
تعالا يسيدي بسرعة اقولك 🏃

-في السنة الأولى لكورش ملك الفرس سمح لليهود يرجعوا لاورشليم بعد ٧٠ سنة من السبي وقاد زربابل أول مجموعة راجعة من السبي وكانوا حوالي 50 ألف شخص 👨‍👩‍👧‍👦
- ولما رجعوا اورشليم الوضع كان صعب جدا مفيش سور ولا هيكل ولا مذبح ولا حاجة خالص مكنش فيه بلد اساسا 🏰😣
- و بدأوا الشغل وبنوا المذبح أول حاجة ورجعوا أواني الهيكل لمكانها وأقاموا لاويين "كهنة" واصعدوا ذبايح ولكن مفيش هيكل الرب🤔

- فبدأوا يبنوا أساسات الهيكل والكل كان مُتحمس فرحانين😍لكن أعداء اسرائيل بدأوا يضايقوهم ورشوا مستشارين كَذبة ضدهم عند ملوك بابل عشان يوقفوا البناء😟😈
- وفعلا ف أيام ارتحشستا نجحت خططهم و أوقفوا بناء الهيكل😣🙄ومن هنا بدا يتسلل الاحباط لنفس زربابل ومكنش قدامه غير أنه يوقف البناء😣

- لكن الله ماسبهوش بعتله اتنين أنبياء وهما حجي وزكريا عشان يشجعوه هو وباقي الشعب وكمان الله كلمه علي لسان زكريا وقاله «هذِهِ كَلِمَةُ الرَّبِّ إِلَى زَرُبَّابِلَ قَائِلًا: لاَ بِالْقُدْرَةِ وَلاَ بِالْقُوَّةِ، بَلْ بِرُوحِي قَالَ رَبُّ الْجُنُودِ.»🙏🏻♥️«مَنْ أَنْتَ أَيُّهَا الْجَبَلُ الْعَظِيمُ؟ أَمَامَ زَرُبَّابِلَ تَصِيرُ سَهْلًا!»
- وبعد 10سنين من توقف بناء الهيكل رجعوا تاني يبنوا وكمل بناء الهيكل😍♥️
وتم وعد الله لزربابل على لسان زكريا النبي: "إِنَّ يَدَيْ زَرُبَّابِلَ قَدْ أَسَّسَتَا هذَا الْبَيْتَ، فَيَدَاهُ تُتَمِّمَانِهِ" وعملوا حفل عظيم لتدشين بيت الله😊🎺

- كثير مننا في أوقات كثيرة بيشعر بإحباط وربما كمان بصغر نفس وعجز من كتر المعوقات والصعوبات وحاسس أنه ده كله تأخير ع فاضي وليه ياارب بس أنا عايز افكرك بأن حسابات الله غيرنا تماماً اه حتي لو بعد ١٠ سنين "أَجَابَ يَسُوعُ وَقَالَ لَهُ: «لَسْتَ تَعْلَمُ أَنْتَ الآنَ مَا أَنَا أَصْنَعُ، وَلكِنَّكَ سَتَفْهَمُ فِيمَا بَعْدُ»." (يو 13: 7) مش محتاجين دايما نفهم ولكن نطمن ونثق ف القائد🥰♥️