منتدى الفرح المسيحى - يهوديت كانت امرأة جميلة رقيقة

https://upload.chjoy.com/uploads/168976100468811.jpg

هي واحدة من أبطال العهد القديم في فترة السبي الاشورى👩🏻‍🦰☺️
- كانت أرملة شابة، جوزها مات، مكنش ليها اولاد، فقررت تكمل حياتها مع الله تقوى وصلاة وصوم🙏

- لما جيش الاشورين حاصروا اليهود، كان في مناحة في الشعب😢قرروا يصوموا ويصلوا ولو ربنا مستجابش هيسلموا المدينة لجيش اليفانا بعد 5ايام🥺
- هي بقي لما سمعت كده وبختهم وقالتلهم "مَنْ أَنْتُمْ حَتَّى تُجَرِّبُوا الرَّبَّ؟" وطلبت منهم يصلوا عشانها وإن الله يؤيد مشورتها.. 😍

-صلت ان الله يبارك خطّتها و يديها نعمة و حكمة عشان هي الضعيفة تقدر تضرب قائد جيش أشور ... وبعدها تزيّنت و تجمّلت وراحت علي معسكر الاشوريين واقنعت القائد بتاعهم🤴🏻إنها مستعدّة تسلّمه المدينة من غير أي قتال ⚔️ لكن في الموعد المناسب اللي الله هايقول لها عليه بعد ما تفضل تصلّي👌🏻
- وقعدت 3 أيام في الخيمة بتاعتها بتخرج تصلّي و ترجع تاكل من الأكل اللي كان معاها عشان تحافظ على طهارتها حسب الشريعة🤍
وفي اليوم الرابع بعد ما اليفانا سكر وكان غرقان في النوم صلت أن ربنا يقويها وفعلا قدرت انها تقتل اليفانا وانتصرت لشبعها🤩💪

-يمكن يهوديت كانت امرأة جميلة رقيقة ماتقدرش تشيل سيف ولا رمح لكن مقايس الله مختلفة✨
الله استخدمها عشان يخلص بني اسرائيل من جيش كان من اقوي الجيوش في وقتها... يهوديت كان عندها ايمان بالله وسلاحها كان صومها وصلاتها🥰♥️