منتدى الفرح المسيحى - زوّادة اليوم أغلى سائل بالعالم ! : 19 / 7 / 2023 /

زوّادة اليوم
أغلى سائل بالعالم !
https://upload.chjoy.com/uploads/168974234290591.jpg
مرّة انسأل إستاذ كيمياء شو هوّي أغلى سائل بالعالم...

الكل توقّعوا يسمّيلن شي مادّة كيميائيّة نادرة بس تفاجأوا لمّا جاوب: الدموع!

لمّا سألوا ليش؟ قال: لأنها مكوّنة من 1% مَي و 99 % مشاعر!

إذا بكيت مش يعني إنت ضعيف بالعكس، يعني كنت قوي لوقت كتير طويل!

العدرا بكيت قدّام الصليب!

العدرا ضعيفة؟ أكيد لأ...نحنا اللي قلنا للعدرا : مريم كفِّي البكاء المسيح قام حقِّا قام.

اليوم مدعوّين نفكّر إنّو بعد كل موت في قيامة و بعد كل دمعة في ضحكة مع يسوع!

انشالله كلّ إيّامكن فرح و سعادة... آميـــــــن!