منتدى الفرح المسيحى - لحد امتي هفضل مش قادر ابطل الغلط؟

https://upload.chjoy.com/uploads/168959216370491.jpg

يارب مش انت قولت ان انا ابوكوا و عارف طلباتكوا من قبل ما تقولها...
و اديني يارب انا لا عارف اتكلم و لا عارف حتي اقوم و اجيلك...
مش انت يارب قولت لو مش قادر اجيلك هتشيلني..
مش انت يارب قولت انك بتدور علي الخروف الضال..
مش انت جيت و شافيت الكل..
مش انت حتي الاوجاع بتشيلها..
مش انت قلت يارب ان انا ابنك..
يبقي من حقي اسألك..
اسألك لحد امتي؟..
لحد امتي هفضل اعاني؟..
لحد امتي هفضل مش قادر ابطل الغلط؟..
عارف يارب ...
كل اللي مطمني انك قولت انك في ضيقتهم بتضايق..
و انا مصدق انك مضايق علشاني ..
بس لو مش هخف من وجعي... ايديني الصبر..
لو مش هتشيل عني ضعفي... قويني بنعمتك..
اديني الصبر اللي فيه رجاء و تعزية ..
انت قولت الذي يصبر للمنتهي فهذا يخلص.