منتدى الفرح المسيحى - وسط صمتي بافتكر كلامك "يعطي المعيي قدرة

https://upload.chjoy.com/uploads/168958078621181.jpg

عزيزي الله:
صباح الخير،
أنا مش تمام،
صاحي النهاردة مش قادر،
النهاردة شبه امبارح، مفيش جديد،
مقفول، ماعنديش شغف لأي حاجة،😞
مطلوب مني كتير ومفيش عندي طاقة،
مستنزف من كذا اتجاه ولازم أكمل،
حتي ماعنديش حيل أتكلم، ساكت،😥
لكن وسط صمتي بافتكر كلامك "يعطي المعيي قدرة،
ولعديم القوة يكثر شدة"
هو أنت يارب ممكن تعمل كده؟!
في حالتي دي ممكن تعمل كده؟!
باسكت تاني،
عشرتي معاك بتقول مادام أنت قلت يبقى هتعمل كده،
هاستناك،
في يومي الجديد هاستناك،
وهاصدق كلماتك:
"وأما منتظرو الرب فيجددون قوة"، .... قوة جديدة!!💪🏼
"يرفعون أجنحة كالنسور"، ....
. قوة زي قوة جناحات النسر اللي بترفعه لفوق في السما!!🦅
"يركضون ولا يتعبون"، ....
. مش قادر اتحرك، هاجري وكمان مش هاتعب!!🏃🏻‍♂️
"يمشون ولا يعيون"، ..
... هاقدر أكمل سكتي المستنزِفة من غير إعياء!!
هاستناك،
شكرا ياالله،
توقيع: ابنك