منتدى الفرح المسيحى - الهك خدعك ..!!

https://upload.chjoy.com/uploads/168939626226341.jpg

الهك خدعك ..!! الهك ضاحك عليك ..
كام واحد فينا سمع الكلمتين دول الفترة دي ..
كام لحظة انتصار لابليس وهو واقف في خلف المشهد
وصوته واضح وموجه ليك ويقولك ..( الهك بيضحك عليك ) ..

- خليني افكرك ان ابليس دوره يشتتك ويبعدك عن ربنا
- دوره يصطاد الفريسة السهلة اللي يشتت بيها اكبر عدد ممكن
- دوره يخليك تفقد رجاءك وايمانك بربنا .. فتتشتت وتبعد عنه

اوعي يا صاحبي تفقد رجاءك بالهك ..
اوعي تفتكر انه نسيك ولا مش سامعك
اوعي تفتكر انه مش موجود !!
اوعي تفتكر انه خلاص ساب زمام الامور .. هيفضل هو ضابط الكل

مهما حصل حوليك خليك عارف ان هو
الرب والمخلص والفادى ...

حزقيا كان من ملوك يهوذا اللي اختاروا يمشوا صح
منع كل عبادة لإله غريب، وقاد الشعب إنه يعبد ربنا بكل القلب
وبعد ما احتل ملك أشور المملكة الشمالية،
هدد حزقيا انه هيحتل مملكته كمان
وينهبها.. واستقل بيه وسخر من اعتماده على ربنا..
لاَ يَخْدَعْكَ إِلهُكَ الَّذِي أَنْتَ مُتَوَكِّلٌ عَلَيْهِ (اشعياء 37: 10)

هقولهالك تاني 👇

اوعى تفتكر إن الشيطان مش هيجي يشكك في كلام ربنا ووعوده ليك
في الوقت الصعب
لكن زي حزقيا، هات قلقك وخوفك وارميه قدام ربنا
.. وهو هيجاوبك.