منتدى الفرح المسيحى - اختياراتي مدمرة حياتي

https://upload.chjoy.com/uploads/168931894683051.jpg

إزاي تاخد قرارات في حياتك ماتندمش عليها!؟
في بداية علاقتي بربنا..
كان عندي مشكلة كبيرة في إني
أعرف أنا ماشي في حياتي صح ولا غلط..
وإيه هي مشيئة ربنا لحياتي؟
وياترى القرارات اللي باخدها مفيدة ليَّ ولا بتضرني؟
لحد ما في يوم قريت آية في الإنجيل
فرقت معايا جدًا.. قالها الرب يسوع بنفسه،
إنْ ثَبَتُّمْ فِيَّ وَثَبَتَ كَلاَمِي فِيكُمْ
تَطْلُبُونَ مَا تُرِيدُونَ فَيَكُونُ لَكُمْ." (يوحنا ٧:١٥)
فهمت من الكلام دا حاجة جميلة جدًا 😍
إن الشخص اللي بيعيش في علاقة حقيقية مع الله
وبيحب كلامه وبيقراه باستمرار..
معظم قراراته واختياراته بتكون نابعة من كلمة ربنا،
ودا اللي خلى الرب يسوع يقول..
إننا نطلب ما نريد فيكون لنا..
لأن نتيجة العلاقة الحقيقية مع الله
إرادتنا بتتغير وبتكون شبه إرادته بالظبط..
ووجود الله في الحياة باستمرار بيضمن
إن قراراتنا تكون في مشيئته 👌
وبيحمينا ويحافظ علينا لو في مرة أخدنا قرار غلط
ومتكونش اختياراتنا مدمرة حياتنا،
لأننا بنختار وإحنا ثابتين فيه
وفي كلمته في علاقة حقيقية معاه ❤