منتدى الفرح المسيحى - حاسس بالامان وسط عيلتي

https://upload.chjoy.com/uploads/168905584174771.jpg

عارفة يا طنط فلانة عايزة اشكيلك من ابني فلان
عشان مش بيخلص أكله خالص
دي واحدة من الجمل اللي فاكرين إننا بيها بنحفز عيالنا
بس الحقيقة إحنا بنعمل جريمة حتى لو مكانش ده قصدنا..
. الجريمة هي إننا بنشيل إحساس الأمان من الطفل
تخيلي كدة قاعد في أمان الله وطنط فلانة عرفت عنه حاجة
مش المفروض تعرفها وكمان حاجة مخجلة لأنه كدة بيزعل ماما 🙁
العيال بتفرح لما بنقول إنجازاتها وشطارتها قدام الناس
خصوصا لو بنقولها واحنا مليانين افتخار بس بتتكسر من جواها
لو حسوا إننا بنشتكي
الفكرة النهاردة اللي بقولها لنفسي وليكوا إننا محتاجين نشارك ولادنا ونستأذنهم إيه يتقال وإيه لا
الأسرة السوية ولادها حاسين بالأمان👌😊