منتدى الفرح المسيحى - يابخت ولاد الملكوت💜

https://upload.chjoy.com/uploads/168889671527241.jpg

اعلانه كان صادم لما عرفنا أن ملكوته مش مقفول
علي فئة النبلاء بس 😳

وغير المفاهيم
لما قال "يابخت" كل واحد مختلف عن العالم حواليه..
يابخت اللي بيدور عالحق والعدل في عالم ظالم..
والأغرب يابخت الخاطي في عالم متدين لأنه مش ناكر حقيقة نفسه..
يا بخت الغلبان في عالم بيدور عالسلطة والجبروت..
يا بخت الرحيم في عالم مابيرحمش..
يا بخت الشفافين في عالم كله أقنعة وزيف..
يابخت اللي بيدور عن الكمال في عالم ناقص..
يا بخت اللي رايح للسلام في عالم أدمن الانتصارات والحروب..
يابخت المُضطهَد بسبب تبعيته للبر..
يابخت اللي اتفهم غلط لأنه شبه يسوع ...

يا بختنا .. لأنك سمحت لكل أنواع البشر ياخدوا فرصة إنهم يكونوا أبناء الملكوت..

يابخت ولاد الملكوت💜