منتدى الفرح المسيحى - ربنا الوحيد اللي فاهمك صح

https://upload.chjoy.com/uploads/168889021338041.jpg

كل تجربة بتمُر علي قد صعوبتها بس ربنا بيدي قُدرة تحمل
كل ضغط جة عليك مش علشان يكسر... علشان يقوي ضهرك
كل مُعاناه حسيت بيها مش علشان توجعك... علشان تعلمك
حاجات كتير في حياتنا بنبقي شبه اعيونا معمية عنها
يجي ربنا يدخلك في ازمة معينه علشان يشيل الغشاوة
من علي عينك وقلبك
عايز يقولك بص ايوا انت في محنة وتجربه صعبه
بس انا الوحيد اللي اقدر اسندك
عايز يقولك انا هخليك تعرف مين بجد بيحبك ومين عامل بيحبك
عايز يقولك اهدي كده وبص حواليك انا هعرفك مين يقدر يسندك صح
َوفجاة يروح يبعتلك السند الصح في الوقت الصح
بعد ما كل ايد انت كنت فاكرها صح اتخلت عنك
تأكد تماما ان ربنا مش ناسيك وان وقت الازمة هو شايلك حاسس بيك وبضعفك
هيشيل معاك وجعك هيسند كسرتك ويجبر خاطرك ويعوضك سنينك اللي اكلتها الجراد

#ربنا_الوحيد_اللي_فاهمك_صح
#هو_سندك_كل_حين