منتدى الفرح المسيحى - مااحلاها عيشت الحرية

https://upload.chjoy.com/uploads/168869806884991.jpg

كتير أوي بنفكر في معنى الحرية هى..
أني أكون قادر أعمل حاجات معينة،
أو أحصل على أشياء معينة في الحياة، 👌
أو أتخلص من أشياء معينة..
اعيش براحتي من غير ضوابط ❌

لكن الحقيقة بنكتشف مع الوقت أن
ولا حاجة من دول أطلقونا أحرار بجد من جوانا،
بالعكس ده ساعات بنصير عبيد للحاجات دي انها تتم
أو نمتلكها او نتخلص من بعضها علشان نشعر
اننا احرار وفي الأخر نلاقينا بنتقيد أكتر و أكتر.

طيب ايه هى الحرية؟
الحقيقة على قد ما فكرت، لقيت بالنسبة لي
الحرية مش اني اتخلص من اشياء،
ولا اني امتلك بعض الاشياء،
لكن هى في وجود شخص يواجدني
ويعاملني بحب فأشعر بحرية في حضوره..
اني مخلوق حر مصنوع بحب
مش مرتبط بوجود أي أشياء،
لكن مرتبط بيه هو وبوجوده وبحبه الدائم.

الحرية الداخلية بتيجي لما نسلم نفسنا لله ☝️
اني مكونش عبد للخطية وامشي وراء رغباتي وبس،
الحرية بالنسبالي هى وجود شخص الله
وتواجدي فيه لأن هو اللي خلقني وعملني ❤

وده فكرني لما الكتاب بيقول..
"أَلَسْتُمْ تَعْلَمُونَ أَنَّ الَّذِي تُقَدِّمُونَ ذَوَاتِكُمْ لَهُ
عَبِيدًا لِلطَّاعَةِ، أَنْتُمْ عَبِيدٌ لِلَّذِي تُطِيعُونَهُ:
إِمَّا لِلْخَطِيَّةِ لِلْمَوْتِ أَوْ لِلطَّاعَةِ لِلْبِرِّ؟."
(رسالة رومية 6: 16)

حريتي مرتبطة بيه هو بس.. وبوجوده.😍