منتدى الفرح المسيحى - وفي وسط الآااااااه أنت بتقولي أنا مباركك

https://upload.chjoy.com/uploads/168827490479941.jpg

الغريب إني مش عارف نفسي المرة دي..
أنا شخصية قوية وباقدر اتحمل الضغط النفسي
.. لكن أنا ملبوخ المرة دي..
باصلي لحاجة بقالي وقت ومفيش استجابة واضحة .
. بالعكس الأمور بتتعقد وباتضايق نفسيًا من الوضع..
الظلم في الشغل بشع.. احساس مر🥺
وبأهون على نفسي إنه اكيد الله بيعلمني حاجة ..
لكن حقيقي الموضوع يبان كأن مالوش حل..
ولأول مرة أبكي من ضغط نفسي وأقوله مش كفاية بقى؟!
لأول مرة أقول له خلاص مش قاااادر أتحمل تاني ضغط الناس
دول عليّ، خصوصا يا رب إنك شايفني باسلك باستقامة
وكأن عقابي إني ماشي صح..
وفتحت المزامير وقعدت اقرأ
١١ يَا مُتَّقِي الرَّبِّ، اتَّكِلُوا عَلَى الرَّبِّ. هُوَ مُعِينُهُمْ وَمِجَنُّهُمْ.
١٢ الرَّبُّ قَدْ ذَكَرَنَا فَيُبَارِكُ. يُبَارِكُ بَيْتَ إِسْرَائِيلَ.
يُبَارِكُ بَيْتَ هَارُونَ. (المزامير ١١٥: ١١، ١٢)
فرق معايّ جملة "الرب قد ذكرنا"
الله مش بينسى أي واحد ماشي باستقامة... الله بنفسه بيهتم بيه..
الله مديك مكانة عالية حتى لو أنت مفعوص في شغلك
.. بيقولك انت بركة في المكان... اتشدد.. كمل بتقوى ..
ويشجعنا في آخر المزمور:
أَنْتُمْ مُبَارَكُونَ لِلرَّبِّ الصَّانِعِ السَّمَاوَاتِ وَالأَرْضِ.
(المزامير ١١٥: ١٥)
وفي وسط الآااااااه أنت بتقولي أنا مباركك
..شكرا يارب لأنك بتذكرني، وواعدني بالبركة..