منتدى الفرح المسيحى - ابني نفسك صح جوه دايره المسيح

https://upload.chjoy.com/uploads/168799337781371.jpg

ماتخشش في دايره مش دايرتك
ولا تعيش مع ناس مختلفه عن اهدافك
ولا تسمح لحياه تعيشها مش هي حياتك
ولا توافق انك تنطبع بأشخاص مش نفس روحك
ولا تقعد قعدات مافيهاش اشخاص ينوروا دماغك
ولا تقبل اسلوب مش اسلوبك
وده مش معناه ان الباقي وحش وانا حلو
لكن ربنا خلق كل واحد فينا بتركيبه تناسبه
ولو في يوم اختارت في حياتك ناس عمرها ماهتبنيك
وللاسف صعب تغيرهم فأرجوك ابني نفسك صح جوه دايره المسيح
بحياه روحيه بسيطه وبعلاقات تدفعك لقدام
وماتستسلمش للواقع ساعتها ممكن تقبل الناس الصعبه اللي في حياتك وتعاملهم بصوره المسيح اللي فيك
انا ربنا حطني في دايره تناسبني بلاش اطلع براها لاني مش هالاقي غير ضعف في كل امور حياتي
كل واحد فينا عارف ايه الحياه اللي تناسبه فارجوك روح للحياه دي
اقلب الصفحه دي مهما كان التمن ودور علي نفسك
ودي مش انانيه لكن دور اذاي تبقي نفسك ناجحه لان ده مهم عند ربنا
ماتعش مع ناس عارف انهم بيدمروا نفسك بأرائهم
ورغبتهم لمجرد انك تكون في نظرهم مش ندل .
لا ارفض حتي لو قالوا عنك انك حد ندل وبياع
لما تبني نفسك صح مع ربنا بكره نور المسيح جواك هايبان
ماتسمحش انك تدمر نفسك