منتدى الفرح المسيحى - الملكة وشتى الجميلة

https://upload.chjoy.com/uploads/168782521093481.jpg

الملكة وشتى 👸
وحدث فى ايام الملك احشويروش فى السنة الثالثة من ملكه 👑
عمل وليمة كبيرة لكل رؤساء وعبيد جيوش فارس ومادى🥳🥳💃💃💃
استمرت لمدة ١٨٠ يوم 😯

وبعدها عمل وليمة تانى للشعب🥳💃 لمدة ٧ ايام فى قصره
علشان يستعرض قوة مملكته وغناه ومجده

ويقول الكتاب ان فى اليوم السابع لما طاب قلب الملك من الخمر 🍷🍷
(فقد اتزانه بسبب الخمر) طلب من عبيده انهم يجيبوا الملكة وشتى 👸
قدام الملك بتاج الملك 👑 علشان الشعب كله يشوف جمالها لانها كانت حسنة المنظر 😍

رفضت الملكة وشتى 👸 انها تحضر زى ما أمر الملك 😎👏

الملك اغتاظ جداا 😡🤬 وسأل المستشارين بتوعه يعمل ايه فى الملكة وشتى
لانها رفضت كلام الملك ؟!🤔🤔

مستشارين الملك قالوله ان الملكة غلطت فى حق المملكة كلها
مش فى حق الملك بس🤨🤨 وان لو نساء المملكة عرفوا باللى عملته الملكه وشتى
مفيش واحدة هتحترم جوزها تانى🙄🙄 (ده اللى هو بدل ميطفيها شعللها ) 🤦‍♀️😂😂

الكلام ده عجب الملك 🤗واصدر أمر ان يدى ملكها لمن هى احسن منها 👑
وبعدها امر الملك انهم يجيبوا اجمل الفتيات للقصر و اختار الملك استير 👱‍♀️
انها تكون مكان الملكة وشتى 👸 (استير ١: ٢٠ )
الخلاصة 👌
♣️ الملكة وشتى الجميلة 👸الموجودة داخل شوشن القصر موجودة فى كل واحد فينا
هى رمز لفضائل الانسان ✨✨ ✨ اللى مينفعش نعرضها قدام الناس
ونتباهى بيها لانها تخص عريس النفس يسوع ❤😇

♣️الملكة وشتى 👸عرضت نفسها لخطر كبير كان ممكن يعرضها للموت برفضها لطلب الملك 🌝
واختارت انها تحتفظ بكرامتها و متعرضش جمالها قدام الناس 🤗😍

اَلْحُسْنُ غِشٌّ وَٱلْجَمَالُ بَاطِلٌ، أَمَّا ٱلْمَرْأَةُ ٱلْمُتَّقِيَةُ ٱلرَّبَّ فَهِيَ تُمْدَحُ. (أَمْثَالٌ ٣١:٣٠ )