منتدى الفرح المسيحى - صدقني شايف كل محاولة، كل دمعة، كل تعب

https://upload.chjoy.com/uploads/168765603032751.jpg

في لحظة كدة.. ربنا بينسيك فيها كل التعب..
لحظة حلوة بس قادرة تنسيك تعب شهور…وسنين
لحظة "استجابة صلاة قديمة … تقدير بعد كتير…
باب يتفتح في وشك فجاءة.. نجاح بعد سهر ليالي
..الشخص اللي كنت مستنيه يجي، تغير في نتايج معينة…
مشاكل تتحل بعد ما كنت يأست.
.مرتب أزيد وأنت حقيقي محتاج…
قعدة هادية ربنا يفكرك فيها بوعوده ليك.. حلم يتحقق بعد سنين صلاة!….."
وغيره كتير…
طبطبة إلهية ، تحسها شخصية اوي!
وكأنه بيقولك:
"صدقني شايف كل محاولة، كل دمعة، كل تعب..
سامع كل صلاة من غير صوت.. فاهم مشاعرك المُرهقة...
وألم الأنتظار الطويل…
بس بص! أنا عند وعدي.. في وقته هاسرع بيه..
و ف لحظة تنسي المشقة دي.. كمياه عبرت تذكرها"