منتدى الفرح المسيحى - يسوع قال انتم نور العالم

https://upload.chjoy.com/uploads/168677628964681.jpg

(والله أصل الموضوع ده ....)..!
(والله بص لو هو كدا يبقي خلاص ...) ..!
(يااااه و الله بجد ....)..!
اتفاجئت بصديقي المؤمن اللي اتربينا سوا في الكنيسة من صغرنا بيقول (والله)
في وسط كلامه..!
وقفته عن الكلام و باقوله إية ده أول مره أسمعك (بتحلف)..!!😑
قالي: ماتحبكهاش اوي... و بعدين أنا شغال في السوق
.. أوقات لازم أقول و الله عشان العميل يصدقني..🙄
فكرت و حزنت في قلبي بعد ما سبته..😞
يسوع قال بشكل صريح :- وَأَمَّا أَنَا فَأَقُولُ لَكُمْ: لاَ تَحْلِفُوا الْبَتَّةَ (مت 5: 34)..
(و الله) ... حلفان بيستخدمه فئة كبيرة من الناس بنحتك بيهم يوميا في حياتنا وأشغالنا... 🤔
واضحة الوصية.. 🫡
تحدي كبير لينا ... أوقات غصب عننا في الأشغال بنتطبع بطباع زملائنا ،
العملاء اللي بتدخل لينا و لأشغالنا الفلوس .. طبيعي لو (والله)
الكلمة دي هتخلي العميل يطمن و يدفع... بالتالي يقفل التارجت بتاعي..
. فمعلش ما ربنا عارف يعني..🫠
يسوع قال انتم نور العالم ... عارف تفعل النور بتاعك تبقي زي نور الشمس كدا..☀️
محدش يتلخبط فيك ؟؟😵‍💫
النور بيخترق الضلمة اللي موجودة في العالم ..
👈🏻 أنت نور يا صديقي .. أنت بتغير العالم مش العكس.. !⚡️
👈🏻انت المميز وسط كل المجتمع ... أنت اللي كَلاَمُكُ :
نَعَمْ نَعَمْ، لاَ لاَ ومايزدش عن كدا بكلمة واحدة..🤫
باتحد بيكم في صلاة.. يا أبا الأب يا أبو المراحم..
خلينا نعيش هويتنا فيك.. مميزين، متشافين..
شاهدين ليك بكلامنا وافعالنا ووجودنا في اي مكان ومع اي ظروف..🙏🏽
آمين..❤️
#عبرة_من_عالجبل🏔️