منتدى الفرح المسيحى - التجاره مع الله {ارمله صرفة صيدا }

https://upload.chjoy.com/uploads/168677285013711.jpg

مرة تانية النبي إيليا راح لمكان اسمه صرفة صيدا
وكانت لسة المجاعة شغالة
وكان في ست أرملة ومعاها طفل وبسبب المجاعة
كان فاضل عندها شوية زيت وكوباية دقيق
وكانت ناوية تخبزهم وتاكلهم هي وابنها
وبعدين يستنوا الموت من الجوع😔
جه النبي إيليا للمنطقة وخبط على باب الست دي
وقالها: "أنا جعان" فقالتله: "معنديش غير شوية زيت
وكوباية دقيق كنت هعملهم أنا وابني وبعد كدة ربنا يتولانا برحمته"...
فقالها: "اعمليهم ليّ أنا واللي يتبقى ليكي إنتي وابنك"...
بس كمان قالها حاجة تانية
قالها: "كوز الزيت مش هيفضى ولا كوباية الدقيق
هتخلص لحد ما المجاعة تنتهي"
وفعلا حصلت المعجزة وكل ما الست تخبز
تلاقي كوباية الزيت والدقيق مليانين أيام كتيرة
لحد ما المجاعة خلصت

الست دي تاجرت مع الله بأخر شوية زيت وكوباية دقيق في بيتها
الست دي آمنت إن التجارة مع الله أبقى وأعظم وكلها معجزات