منتدى الفرح المسيحى - شخصصيات كتابية نتعلم منها {إيليا النبي}

https://upload.chjoy.com/uploads/168618359612571.jpg

إيليا النبي
معنى اسمه إلهي يهوه أو الله إلهي
من الشخصيات اللي لازم نقف كتير في التأمل فيها لكن هنختصر بعض الفضائل اللي هنتعلمه منه
1- إيليا ضيف من السماء
ايليا اللي ظهر فجأة وكأنه ضيف لم يهتم بنسبه ولا عائلته
هو جه لخدمة محددة
عاش غريب وزاهد
2- إيليا الناري
في خدمته كان شعلة نار تحرق الشر
ما خافش من كل جبروت أخاب وإيزابل
كان مرعب لأخاب وإيزابل ويعملوله ألف حساب
3- إيليا والإيمان الجبار
من كتر ثقته في ربنا وقف في (سفر الملوك الأول 17: 1)
وَقَالَ إِيلِيَّا التِّشْبِيُّ مِنْ مُسْتَوْطِنِي جِلْعَادَ لأَخْآبَ: «حَيٌّ هُوَ الرَّبُّ إِلهُ إِسْرَائِيلَ
الَّذِي وَقَفْتُ أَمَامَهُ، إِنَّهُ لاَ يَكُونُ طَلٌّ وَلاَ مَطَرٌ فِي هذِهِ السِّنِينَ إِلاَّ عِنْدَ قَوْلِي».
ولما مات ابن الارملة قال
(سفر الملوك الأول 17: 20) وَصَرَخَ إِلَى الرَّبِّ وَقَالَ: «أَيُّهَا الرَّبُّ إِلهِي،
أَأَيْضًا إِلَى الأَرْمَلَةِ الَّتِي أَنَا نَازِلٌ عِنْدَهَا قَدْ أَسَأْتَ بِإِمَاتَتِكَ ابْنَهَا؟»
وصل لدرجة إيمان انه عمل دالة بينه وبين الله وكأن الله بيتكلم على لسانه
4- إيليا المكرم
تكريما لإيليا انه صعد حي للسماء وانه دعاه في حادثة التجلي
تعالوا نطبق اللي اتعلمناه
1- خلي قدامك دايما انك غريب وضيف على الأرض
الضيف معندوش وقت يكره حد ولا يعمل مشاكل مع حد
يومين يقضيهم ويرجع بيته
2- انقل حرارة خدمتك لكل اللي حواليك
لما الناس تشوفك متحمس للخدمة الكل هيعمل زيك
كن دايما مشجع لغيرك بخدمتك النارية
3- درب نفسك انك تثق في ربنا في الأمور الصغيرة أولا
وتدرج حتى يصل إيمانك بالله يستطيع أن ينقل الجبال
فقط ثق ان الله يستطيع كل شيء