منتدى الفرح المسيحى - انت مختلف لان عندك نعمه مختلفه

https://upload.chjoy.com/uploads/168607648163361.jpg

وقفه مع نفسك
نفسك مهمه
نفسك لازم تكون صحيحه زي ما قال الكتاب
قدم الحب حتي لو مافيش تقدير
احزن علي عدم التقدير بس اوعي قلبك يتغير
ماتجرحش اللي جرحك بس في نفس الوقت ارفض الوضع
اللي بيدوس عليك
حقك تتوقع الخير من الكل لان المحبه تصدق كل شئ
بس لو توقعاتك فشلت كمل في عملك مع كل الناس
اصمت علي كلام جارح بيتوجهلك بس خلي ده طاقه
انك تغير من شخصيتك في اختياراتك للناس اللي حواليك
تنازل عن كل حاجه علشان تفضل شبه المسيح
لكن ماتنساش انت ربنا عمل منك ايه وانك شخص مختلف مهما اتنازلت
خليك ضهر وسند للكل بس ماتزعلش
لو مالقتش بيتعمل معاك زي ما بتعمل مع اللي حواليك
لان المسيح (جاء ليخدم لا ليُخدم)
اوعي تصدق انك ضعيف علشان قلبك شبه المسيح
الضعف مش في الحب الضعف في قسوه القلب
اوعي تصدق انك لما تقول لحد اسف
انت كده ضعيف الشخصيه القويه بتبان في اعتذارها علي الغلط
اوعي تصدق ان احتمالك للناس ده ضعف بالعكس انت الكتاب بيقول عنك (تحتمل المشقات كجندي صالح )انت جندي صالح
خلاصه الكلام ارفض اي امر يقلل من نعمه ربنا اللي حطها جواك
انت مختلف لان عندك نعمه مختلفه
اعمل كل ده وانت بتصلي وتقول ( يا روح الله القدوس ساعدني)