منتدى الفرح المسيحى - هاتعيش سلام حقيقي مع الله والناس 🙏🤝

https://upload.chjoy.com/uploads/168590187866461.jpg

خايف ، قلقان ، مضطرب التلاميذ
بعد موت الرب يسوع كانوا خايفين جدا وقافلين
علي نفسهم من كتر الخوف 😨
بس وهما خايفين ومش عارفين يتعاملوا مع الخوف ده
وقافلين علي أنفسهم
حصلت ليهم حاجه غير متوقعه😱

وَقَفَ يَسُوعُ نَفْسُهُ فِي وَسْطِهِمْ، وَقَالَ لَهُمْ: «سَلاَمٌ لَكُمْ!»! (لو ٢٤ : ٣٦)
ظهر ليهم يسوع عشان يطمنهم من الخوف
ووقف في الوسط عشان يقولهم انا قريب منكم جميعا وحاسس بيكم 😇
وقالهم سلام لكم..
ياااه دايما يا رب بتيجي في الوقت المناسب تقول الكلام المناسب..🥰

حتي لو حالك ذي حال التلاميذ..
خايف وقافل علي نفسك الرب جاي يقولك متخافش سلام ليك 🙂
ويابختك لو صدقت في كلمه ربنا ليك واستقبلت السلام ده
لذهنك وقلبك ومشاكلك😊
وفي بيتك وشغلك وخدمتك

هاتعيش سلام حقيقي مع الله والناس 🙏🤝